ސައޫދީ އަރަބިއްޔާގެ ވެރިރަށް ރިޔާޟްގައި ވައިގެ ހަމަލާތަކުގެ އިންޒާރުގެ ސައިރަން އަޅަމުން ދަނިކޮށް، ކިންގް ޚާލިދު އިންޓަނޭޝަނަލް އެއާޕޯޓު ކައިރީގައި ހުންނަ ސައޫދީ އަރަމްކޯގެ ތެޔޮ ރައްކާކުރާ ތާންގީއެއްގައި އަލިފާނުގެ ހާދިސާއެއް ހިންގައިފިއެވެ.
މި ހާދިސާއާއެކު އެއާޕޯޓު ސަރަހައްދުން ބޯ ދުން އަރަމުންދާ މަންޒަރު ފެންނަމުންދާއިރު، ސިވިލް ޑިފެންސްގެ ޓީމުތަކުން ދަނީ އަލިފާންގަނޑު ކޮންޓްރޯލްކޮށް ނިއްވާލުމުގެ މަސައްކަތް ކުރަމުންނެވެ.
މި ހާދިސާ ހިންގަން މެދުވެރިވި ސަބަބާއި، އޭގެ ސަބަބުން އެއްވެސް މީހަކަށް އަނިޔާއެއް ނުވަތަ މާލީ ބޮޑު ގެއްލުމެއް ލިބުނުކަން ސައޫދީ ސަރުކާރުން އަދި ރަސްމީކޮށް ކަށަވަރުކޮށްދީފައެއް ނުވެއެވެ. ނަމަވެސް، އެއާޕޯޓު ކައިރީގައިވާ ތެޔޮ ތާންގީގައި އަލިފާން ރޯވުމާ ގުޅިގެން، ކިންގް ޚާލިދު އިންޓަނޭޝަނަލް އެއާޕޯޓުގެ ފްލައިޓް އޮޕަރޭޝަންތަކަށް އަސަރުކޮށްފައިވޭތޯ ދެނެގަތުމުގެ މަސައްކަތް ސިވިލް އޭވިއޭޝަން އިދާރާތަކުން ދަނީ ކުރަމުންނެވެ.
ފާއިތުވި ދުވަސްތަކުގައި މެދުއިރުމަތީގެ މަސްރަހު ނުތަނަވަސްވެފައިވާ ދަނޑިވަޅެއްގައި ހިނގި މި ހާދިސާއާ ގުޅިގެން ސައޫދީގެ ރައްޔިތުންނާއި ބޭރުގެ ފަރާތްތަކުން ވަނީ ބޮޑު ކަންބޮޑުވުމެއް ފާޅުކޮށްފައެވެ. ސައޫދީގެ ސެކިއުރިޓީ ބާރުތަކުން ވަނީ އެއާޕޯޓާއި ތެޔޮ ތާންގީ ހުންނަ ސަރަހައްދުގެ ސެކިއުރިޓީ ވަރުގަދަކޮށް، އެ ސަރަހައްދު ބަންދުކޮށްގެން ހާދިސާގެ ތަހުގީގު ކުރިއަށްގެންދަން ފަށާފައެވެ.
ރިއެކްޓް އަދި ކޮމެންޓް ކުރެއްވުމަށް